هشام ماجد: عبقرية فيلم برشامة في بساطته.. وكان المفروض أعمله من زمان
اثنين, مارس 30 2026
هشام ماجد: عبقرية فيلم برشامة في بساطته.. وكان المفروض أعمله من زمان
تحدث الفنان هشام ماجد عن فيلمه الجديد برشامة، الذي طُرح ضمن أفلام موسم عيد الفطر المبارك 2026، وحقق نجاحًا كبيرًا منذ أول يوم عرض وتصدر قائمة إيرادات شباك التذاكر.
وأعرب هشام ماجد عن سعادته الكبيرة بنجاح فيلمه برشامة، حيث قال في تصريحات تليفزيونية: أنا من زمان بحب فيلم برشامة لأني أول ما أتعرفت على خالد دياب قرأت معالجة الفيلم ده ومعالجة أشغال شقة، وقولتله أنا هعمل الاتنين دول، وكان المفروض أصور الفيلم ده من زمان، وبعدين اتوقف وبعدين روحنا وقلنا مش هنعمله وبعدين عملناه وخد وقت كتير عقبال ما أشتغلنا عليه.
وأضاف هشام ماجد: عبقرية الفكرة في بساطتها، قد إيه الفكرة بسيطة بتتكلم بس على لجنة امتحان وعبقرية خالد دياب والتصوير قدروا يخلوا الناس ميحسوش بالملل في الجزء ده، وكان الإيقاع سريع جدًا، فأنا بشكر خالد وشيرين دياب وأحمد الزغبي لأنهم عملوا مجهود كبير جدًا في كتابة الفيلم ده.
كما وجه هشام ماجد الشكر للنجوم الذين شاركوه في بطولة فيلم برشامة، قائلًا: بشكر أصدقائي نجوم مصر اللي كسروا الدنيا في رمضان ريهام عبد الغفور وباسم سمرة وحاتم صلاح وفاتن سعيد وميشيل ميلاد، والفيلم مليان بالنجوم وكان في تناغم كبير بينا، أنا سعيد بالفيلم ورد فعل الناس والإيرادات وسعيد بكل حاجة.
والعمل من بطولة هشام ماجد، ويشارك فيه مجموعة كبيرة من النجوم، أبرزهم مصطفى غريب باسم سمرة، حاتم صلاح، وغيرهم، ويعرض ضمن موسم أفلام عيد الفطر 2026.
سيتم تحسين تجربتنا على هذا الموقع من خلال السماح بملفات تعريف الارتباط
التعليقات 0