تعرف على حكام مباراة الأهلي أمام بيراميدز والزمالك في الدوري الممتاز
ثلاثاء, أبريل 21 2026
تعرف على حكام مباراة الأهلي أمام بيراميدز والزمالك في الدوري الممتاز
تحدث الإعلامي أحمد شوبير، عن حقيقة استقدام حكام أجانب لمباراة الأهلي أمام بيراميدز في الدوري، ومباراة الأهلي أمام الزمالك في الدوري للموسم الجاري 2025-26.
وقال أحمد شوبير خلال تصريحات إذاعية، إن اللي وصله إن اتحادات إسبانيا وإيطاليا وألمانيا وافقوا على إرسال حكام لمباريات الأهلي مع بيراميدز والزمالك، وإن اتحاد الكرة هيختار من بينهم.
وأضاف إن المؤكد إن هيكون في طاقمين حكام جايين من دولتين مختلفتين لإدارة المباراتين، وإن مواعيد المباريات هتفضل زي ما هي من غير أي تغيير.
وتابع، شوبير، أن الأخبار اللي بتطلع عن الأهلي أغلبها مجرد “اجتهادات” ومحاولات للوصول للحقيقة، لأن المعلومة في أوقات كتير بتكون لسه مش مؤكدة بشكل كامل.
وأضاف إن أي إعلامي ممكن ينقل خبر يطلع صح أو غلط، وده طبيعي في شغل الإعلام، ومش لازم دايمًا يكون في تأكيد 100%.
وأكد إن، من حقه أو حق أي إعلامي إنه ما يكشفش عن مصادره، لأن المصدر ممكن يكون مش دقيق أو ممكن يسبب له مشاكل، وفي نفس الوقت ممكن يكون قريب من الحدث فعلًا.
وأشار شوبير إلى إن موضوع “مين المصدر” بقى شاغل السوشيال ميديا أكتر من المعلومة نفسها، رغم إن الأخبار أحيانًا بتكون لسه في مرحلة غير مؤكدة.
واختتم كلامه إن مش لازم يتم تضخيم بيانات الأهلي للرد على كل خبر بسيط، وإن ظهور محمود الخطيب في مباراة الفريق قد يكون رسالة أقوى من أي بيان رسمي، لأن المواقف العملية أحيانًا بتكون أوضح من الكلام.
سيتم تحسين تجربتنا على هذا الموقع من خلال السماح بملفات تعريف الارتباط
التعليقات 0