عبير عادل تتصدر جوجل بعد اعترافها: بشتغل سائق أوبر بعد ما الفن إدانى ضهره
أحد, سبتمبر 21 2025
عبير عادل تتصدر جوجل بعد اعترافها: بشتغل سائق أوبر بعد ما الفن إدانى ضهره
تصدرت الفنانة عبير عادل محركات البحث جوجل خلال الساعات الماضية، بعد تصريحاتها المثيرة التي قالتها في إحدى اللقاءات التليفزيونية، حيث أكدت على عملها كسائق سيارة أوبر حتى توفر متلطبات الحياة، وهو ما جعل عبير عادل تثير الجدل في بين الجمهور، لاسيما أنها أكدت على عدم تلقيها أي دور في أي عمل فنى منذ 7 سنوات.
وقالت عبير عادل نصاً: \بقالي 7 سنين غايبة عن الفن ومش بإرادتي السوق عرض وطلب مش بطلب، في الفن تتوقع أي حاجة لأن هي لعبة أنتي مش عارفة الدور بتاعك هيخلص أمتى بتبقى حاجة مؤثرة طبعا في اللي بيحب اللعبة دي لما بيطلع برا الملعب بتاعة أكيد زعلانة ونفسي أنزل اشتغل تاني لكن وجدت البدائل عشان الحياة تستمر\.
وروت عبير عادل عن بداية عملها كسائقة: \لما لقيت الفترة طولت والاحتياجات والمتطلبات بتزيد دا طبيعي كان لازم أدور على بديل، في أول يوم وأنا بشتغل كنت خايفة لأن كل شغلانة ليها تفاصيلها وأدواتها ومكنتش عارفة أي حاجة بس اتعودت وبقيت عارفة، أول راكب كانت واحدة ست ووديتها منطقة كانت شعبية وبعد ما نزلت مبقتش عارفة أطلع من المنطقة إزاي وبقيت اسأل الناس وبعدها جالي طلب تاني من ست كانت لطيفة، الأولانة مرضيتش تقعد جنبي وقعدت ورا ومكنتش بتتكلم معايا وأنا أصلا مخضوضة وتجربة جديدة وهي زودتلي التوتر، التانية كانت ست لذيذة وقعدت تتكلم معايا ووصلتها المشوار بتاعها معرفتنيش لأنها مكانتش مصرية\.
اشتهرت عبير عادل خلال فترة الثمانينات والتسعينيات ومن أشهر أعمالها \لن أعيش في جلباب أبي\. بطولة النجمين نور الشريف وعبلة كامل، وقدمت عبير عادل في مسلسل \أن أعيش في جلباب أبي\ دور ابنة الوزير (رشوان توفيق)، وشقيقة ياسر جلال في المسلسل.
مسلسل \لن أعيش في جلباب أبي\، عرض لأول مرة سنة 1996، وشاركت به مجموعة كبيرة من الفنانين، عبد الرحمن أبو زهرة، محمد رياض، وفاء صادق، وغيرهم، إخراج أحمد توفيق، عن رواية للكاتب إحسان عبد القدوس، سيناريو وحوار مصطفى محرم.
سيتم تحسين تجربتنا على هذا الموقع من خلال السماح بملفات تعريف الارتباط
التعليقات 0