تسريب-أسرار-الأهلي
سبت, سبتمبر 20 2025
تسريب-أسرار-الأهلي
رد خالد الجوادي مترجم السويسري مارسيل كولر، المدير الفني السابق لفريق الأهلي، على الاتهامات التي وجهت إليه على خلفية حديثه الأخير بشأن فترة كولر.
وظهر الجوادي خلال الأيام القليلة الماضية، وكشف بعض التفاصيل والكواليس عن فترة تواجد مارسيل كولر على رأس القيادة الفنية للفريق الأحمر، إلا أنه تعرض لسيل من الانتقادات بسبب تسريب أسرار تخص الفريق.
وقال خالد الجوادي عبر حسابه الشخصي على موقع التواصل الاجتماعي فيس بوك: بصراحة كنت ناوي اتجاهل التعليقات السلبية واللي وصلت الى حد الاتهامات والتجريح واكتب توضيح واحد بعد نزول الجزء الثاني من الحلقة، لكن بصراحة كم الظلم والافتراء خلاني مليان كلام كتير فقلت اطلع جزء من اللي جوايا قبل نزولها
وواصل في حديثه: الاتهام الأول: أول مترجم في تاريخ الأهلي يطلع يتكلم في الاعلام ويحكي! اتهام كذب واللي بيقوله اما مش متابع أو مدلس.. أكبر 3 مترجمين في تاريخ النادي وأفضلهم من وجهة نظري أستاذ محسن طنطاوي وأستاذ أحمد عبده ود. عمرو محب كلهم على رأسي وأساتذة بنتعلم منهم الشغلانة لهم لقاءات إعلامية لا حصر لها ومنهم اللي عمل بودكاست مع شادي حبشي نفسه وادخل على يوتيوب وشوف بنفسك وحسيب لك امثلة بسيطة في تواستكمل حديثه: الاتهام الثاني أول حد في تاريخ الاهلي يطلع يتكلم في الاعلام!، اتهام كذب زي اللي قبله. أعضاء لجنة التخطيط ومديرين الكورة ورئيس الاسكاوتنج وو وطلعوا وحكوا عادي جدا وحكوا تفاصيل التفاصيل عادي ومنهم في قناة النادي نفسها... تفاصيل صفقات وعقوبات وقصص لا حصر لها... فبلاش افتراء علي بجد، الا لو المعترضين شايفين الكل له حق الكلام الا العبد لله يبقى تبقوا صرحاء وتقولوها كده عشان اعرف ارد
وأردف خالد الجوادي حديثه: الاتهام الثالث: ده غاوي شهرة ومريض شهرة!، اللي غاوي شهرة ده يطلع كل يومين في الاعلام... يفتح قناة على يوتيوب ويقعد يحلل كل يوم او بعد كل ماتش... واتعرضت علي بالمناسبة ورفضتها... ده انا قناتي على يوتيوب الموجودة قبل شغلي في الأهلي \تاريخ مصر ارض كمت\ ما رجعتش اعمل فيديوهات عليها تاني وعن تاريخ مصر عشان محدش يقول ده عايز يظهر وخلاص وغاوي ظهور وده بقى يقودنا للاتهام الرابع.
وتابع تصريحاته: الاتهام الرابع: ده بيطلع كل شوية وكفاية بقى!، ايه الظلم ده؟؟؟؟ انا ما طلعتش على الشاشة الا مرتين فقط مرة في أغسطس 2024 والثانية الان بودكاست شادي حبشي سبتمبر 2025... يعني آخر مرة من سنة وشهر... مرتين فقط لا خمسة ولا كل شوية... بطلوا افتراء وظلم بقى
واستكمل مترجم مارسيل كولر: الاتهام الخامس: ازاي تطلع أسرار أوضة اللبس ودي خيانة امانة!، التعبير ده مكنش موجود في الميديا وتم اختراعه مخصوص عشاني من سنة وبيتم استخدامه حصري معايا... اللي بيتحكي لا أسرار حربية ولا معلومات بتضر اي حد كلها قصص توضح انك معك إدارة عظيمة وكان عندك جهاز عظيم في فترة تاريخية والناس مشيت ولاعيبة مشيت من سنتين وتلاتة وتجربة انتهت وحبيت نوثق لحظاتها الحلوة... بس... أسرار دي حاجة تانية خالص... الأسرار اللي بجد بقى واللي اعرفها حتدفن معايا في القبر ومفيش بني آدم حيعرف انها اصلا لها وجود
وأردف: على فكرة مفاجأة للبعض: الكورة صناعة ترفيهية مش دين وعقيدة... الكورة ترفيه مش دين!!!!! والنقطة دي بتوديني بقى لنقطة تانية مهمة: هو الإعلاميين واليوتيوبرز وصانعي المحتوى اللي بيطلعوا لابسين قناع الفضيلة وبيزعقوا اوي وهم بيقولوا ازاااااي أسرار النادي دي خيانة... سؤالي لهم هو انتوا بتجيبوا اخباركم وحصرياتكم منين؟؟؟؟ مش من مصادر جوه النادي برضه؟؟؟ ولا بتحلموا بها بعد صلاة الفجر؟؟؟؟؟ انت ازاي تطلع تقول خيانة وانت بتتعامل مع واحد \خاين\ عمال يطلع لك اخبار لدرجة اننا بقينا اكنتا عايشين جوه النادي... اقسم بالله العظيم كنت ايام ما كنت في النادي كنت بعرف اخبار بتطلع صح 100% عن الفريق انا والمدير الفني نفسه مكناش نعرفها وبنعرفها منكم.... ده التشكيل الكام شهر اللي فاتوا بيطلع حرفيا قبلها بيوم... ايه الازدواجية دي؟؟؟؟؟ ايه ده بجد كفاية ظلم وافتراء وازدواجية بقى أرجوكم.
واختتم: ملحوظة اخيرة: انا عمر ما حد من إدارة النادي وكل الإدارة معها رقمي كلمني او بعت لي رسالة يطلب اني ماطلعش في الاعلام لأنهم افاضل ودماغهم كبيرة وعارفين ان كل اللي بقوله قصص عادية لطيفة بيتقال كل يوم اكتر منها مئة مرة من إداريين او لاعبين سابقين واني دايما بظهر احترامي لهم وعمري ما اسأت لحد... واهو باعلنها لو ادارة النادي مش عايزني اطلع خالص وماظهرش ابدا رقمي معهم مجرد رسالة وانا سأمتثل فورا حتى لو ده مش فير بس طلبات الأهلي عندي أوامر... بس كده.عليق... فبلاش افتراء علي
سيتم تحسين تجربتنا على هذا الموقع من خلال السماح بملفات تعريف الارتباط
التعليقات 0