. شوبير يعلق على ملامح خطة إعداد المنتخب
أحد, ديسمبر 14 2025
. شوبير يعلق على ملامح خطة إعداد المنتخب
علق الإعلامي أحمد شوبير، على خطة ملامح خطة إعداد منتخب مصر للمشاركة في بطولة كأس العالم 2026، وذلك بعد وقوعه في المجموعة السابعة رفقة بلجيكا، إيران ونيوزيلندا.
وقال حسام حسن في تصريحات إذاعية: مسؤولي المنتخب اتكلموا مع إيران، إسبانيا، ألمانيا وإيطاليا وبيفاضلوا بينهم لحد ما يشوفوا بيلعبوا مع مين، لكن دلوقتي المجموعة بتضم مدرستين أوروبية وآسيوية علشان بلجيكا وإيران، ونيوزيلندا مدرسة ملهاش معالم، لكن إحنا لاعبنا معاهم في كأس العاصمة الإدارية وكسبنا بهدف.
وتابع: الوقت بيجري وكل منتخب بيدور على المدرسة المناسبة علشان يلاعبها، ومعندناش وقت نضيعه إنت لازم تحط مين مناسب للمدرسة البلجيكية والإيرانية والنيوزيلاندية، ولازم نتعب شوية، المراسلات بتاعت الاتحادات والمفاوضات هي اللي بتنجح حتى لو حسام حسن كلم المدربين وقت القرعة.
وواصل شوبير تصريحاته: الاستاذ خالد الدرندلي أمين صندوق الاتحاد، قالي إحنا احتمال نلاعب أمريكا وناخد فلوس كمان على المباراة، يا سيدي أنا مش عايز فلوس أنا عايز إعداد جيد، حتى لو لاعب أمريكا وأخد حتى 500 ألف دولار، خاصة إن بعد القرعة الشعب المصري كله عنده حالة كبيرة من التفاؤل وشايف إننا ممكن نعدي أكتر من دور.
واختتم شوبير تصريحاته: منتخب مصر لم يفز في أي مباراة بكأس العالم حتى الآن، وإحنا عايزين نكتب تاريخ لينا والناس عندها حالة تفاؤل مش طبيعية شايفين صلاح ومرموش وإمام عاشور فمتجيش تقولي هاخد فلوس، أنا مش عايز فلوس أنا عايز أكسب.
سيتم تحسين تجربتنا على هذا الموقع من خلال السماح بملفات تعريف الارتباط
التعليقات 0