محمد-فاروق-شيبا-يفتح-النار-على-الإخواني-محمد-ناصر
سبت, سبتمبر 20 2025
محمد-فاروق-شيبا-يفتح-النار-على-الإخواني-محمد-ناصر
شنّ الفنان محمد فاروق شيبا هجوما شديدا على الإخواني الهارب محمد ناصر، متهما إياه باستخدام فيديو تمثيلي قديم لإثارة الفتنة والبلبلة داخل مصر، وذلك بعد إخلاء سبيله من الجهات المختصة بعد التحقيق معه.
وأوضح محمد فاروق شيبا: البث المباشر ده فرصة إن الناس تعرفني صح، فيه ناس بتدخل تعلق بكلام مش مقبول، وبتحاول تصورنا بطريقة مش حقيقية، لا أنا خارج من سجن، ولا بصمجية، ولا دماغنا فاضية، إحنا اتربينا كويس، وصرفنا على نفسنا علشان نكبر ونفكر.
وأضاف محمد فاروق شيبا: فيه ناس قاعدين 24 ساعة على السوشيال ميديا، مستنيين أي غلطة من أي حد في مصر علشان يصطادوها وينشروها ويعملوا منها مشكلة، اللي حصل إن محمد ناصر وقناة ناقصين وهما فعلا ناقصين، وهو عارف كويس إن الفيديو تمثيلي، خد الفيديو وعمل عليه حلقة كاملة.
وأكد محمد فاروق شيبا أن الفيديو الذي تم تداوله عمره أكتر من سنتين، كاشفًا: كان وقتها مجرد فيديو تمثيلي خفيف الظل على تيك توك، زي اللي بيعمله آلاف الشباب، أنا شفت الفيديو على التيك توك وكان دمه خفيف، قلت أعمله، لكن محمد ناصر جاب الفيديو فجأة وحاول يعمل بيه بلبلة، في توقيت صعب مصر فيه بتواجه تحديات من كل الاتجاهات.
واستكمل محمد فاروق شيبا: اللي بيحصل ده جزء من محاولة مستمرة لزعزعة الاستقرار في البلد، والناس دي شغلتها تخلق فتنة، وده مش في مصلحة حد، لازم كلنا نقف مع بعض، مع جيشنا، ومع بلدنا، ومع الأرض اللي عمرنا ما هنتنازل عنها
وفي نهاية كلامه، طمأن الجمهور على وضعه القانوني، قائلا: الحمد لله، مفيش مشاكل دلوقتي، واتعاملت بشكل محترم جدا في قسم الطلبية، ومافيش أي تحقيقات حاليا.
يذكر أن محمد فاروق شيبا هو ممثل مصري، حاصل على بكالوريوس التربية الرياضية من جامعة حلوان، كانت بداية مسيرته الفنية من خلال مسرح الجامعة ثم توالت أعماله بعدها ما بين السينما والمسرح والتليفزيون، ومن أبرز أعماله: سجن النسا، ابن حلال، سيدنا السيد، رجل الأقدار، وغيرها من الأعمال.
سيتم تحسين تجربتنا على هذا الموقع من خلال السماح بملفات تعريف الارتباط
التعليقات 0