تأجيل محاكمة الراقصة ليندا
ثلاثاء, نوفمبر 04 2025
تأجيل محاكمة الراقصة ليندا
قضت محكمة القاهرة الاقتصادية، اليوم الأربعاء، بتأجيل محاكمة الراقصة ليندا مارتنيو بتهمة نشر مقاطع تحوي إيحاءات جنسية وتعدي على مبادئ وقيم المجتمع وإساءة استعمال مواقع التواصل الاجتماعي لجلسة 29 أكتوبر.
وقررت محكمة القاهرة الاقتصادية، سابقًا إحالة الراقصة ليندا للمحاكمة وتحديد جلسة اليوم الأربعاء 15 أكتوبر، للنظر في محاكمة الراقصة ليندا مارتنيو عما بدر منها عبر مواقع التواصل الاجتماعي من نشر مقاطع تحوي إيحاءات جنسية وتعدي على مبادئ وقيم المجتمع وإساءة استعمال وسائل التواصل الاجتماعي.
وكانت جهات التحقيق أجرت تحقيقًا مع الراقصة المعروفة إعلاميًا بـ ليندا مارتينو، بعد القبض عليها بتهمة نشر محتوى خادش للحياء، والتحريض على الفسق عبر مواقع التواصل الاجتماعي.
وخلال جلسة التحقيق، أنكرت المتهمة جميع الاتهامات الموجهة إليها، مؤكدة أنها تمارس عملها في إطار قانوني وبشكل مصرح به من الجهات المختصة.
وذكرت في أقوالها: أنا معايا تصاريح بمزاولة المهنة، وكل الفيديوهات المنتشرة على السوشيال ميديا عادية، ودي بدل رقص مصرح بيها ومفيهاش أي حاجة مخالفة أو خارجة عن الآداب العامة.
وأضافت ليندا أن بعض مقاطع الفيديو تم اجتزاؤها أو التلاعب بها على الإنترنت، مشيرة إلى أن ظهورها ببدل الرقص لا يختلف عن أي عروض فنية مرخصة تقدم في الحفلات والفنادق، وأن الهدف من نشر تلك المقاطع هو التشهير بها والإساءة لسمعتها.
وأوضحت المتهمة أنها لم تقم بأي تحريض على الفسق أو الرذيلة، وأن ظهورها عبر مواقع التواصل الاجتماعي يندرج ضمن نشاط فني وليس له أي طابع جنائي.
وحصل القاهرة 24 على التحقيقات في قضية الراقصة ليندا وجاءت كالآتي:
أنا اسمي سهيلة. ط 32 سنة أعمل راقصة شرقية، وأنا اتولدت في مصر ومكملتش دراستي، سبت المدرسة من وأنا عندي 14 سنة وسافرت إيطاليا وأنا عندي 18 سنة، درست هناك عن الأزياء واتجوزت وأنا عندي 19 سنة، ورجعت عيشت في مصر وأنا في سن 23 سنة، وقررت أعيش في مصر أنا وجوزي علشان قررت أشتغل هنا، وأنا بشتغل راقصة شرقية من حوالي 8 سنوات، وأنا لما رجعت مصر عجبني موضوع الرقص وأنا بحب الفن، فقررت إني ألتحق بالمجال ده، وسجلت في نقابة المهن التمثيلية والرقابة العامة للمصنفات الفنية، علشان أقدر أمارس المهنة في أي مكان، لأن الأماكن اللي برقص فيها بتكون مرخصة فيشترط أني أكون مسجلة في الرقابة العامة للمصنفات.
وأضافت الراقصة ليندا في التحقيقات: أنا ليا مدير أعمالي، والمكان اللي بيبقي عايز يتعاقد معايا بيكلم مدير أعمالي وبيتم التنسيق على الميعاد والراتب وبروح اشتغل وقتها، الأمر بيختلف، أنا أول ما اشتغلت كنت باخد 15 ألف جنيه في الليلة ودلوقتي سعر الحفلة بيبقى 30 ألف جنيه والفرح 80 ألف جنيه، وباخدهم كاش من المكان اللي بشتغل فيه.
وعن واقعة القبض عليها قالت: اللي حصل إن أنا بتاريخ 22 يونيو 2025 كنت في مطار القاهرة علشان مسافرة ومتجهة لدبي ولقيتهم واقفوني في المطار وبلغوني إني ممنوعة من السفر، ومكنتش عارفة أنا ممنوعة ليه، وفضلت هناك لحد ما جالي اتنين ضباط وقالولي إنهم من مباحث الآداب وإني مطلوب القبض عليا.
وأضافت الراقصة ليندا في التحقيقات: لما سألتهم ليه قالولي علشان فيه فيديوهات منتشرة على النت ليا وإن الفيديوهات دي عاملة مشاكل علشان مخالفة للقانون، قولتلهم إن دي مش صفحتي اللي منزلة الفيديوهات دي، وكمان فيه فيديوهات قديمة من حوالي 5 سنين وأكثر، ومش أنا اللي ناشراها وإني لما بخرج أرقص ببقى ملتزمة بضوابط المكان اللي برقص فيه، لأن لو خالفت الضوابط بتاعت المصنفات بدفع غرامة وممكن يحصل مشاكل للمكان اللي برقص فيه، فعلشان كده ببقى ملتزمة بضوابط المكان، وفضلوا مقعدني لحد ما عرضوني على النيابة.
وعن كيفية نشر الفيديوهات أجابت ليندا: مش أنا اللي بنزلها على النت، فيه صفحات كثير معمولة باسمي هي اللي بتنتشر الفيديوهات دي وكل الفيديوهات اللي أنا بنزلها عندي على صفحتي الموثقة، بتبقى فيديوهات رقص عادية من داخل فندق وبيبقى لبسي فيها مطابق للمصنفات وللشروط.
سيتم تحسين تجربتنا على هذا الموقع من خلال السماح بملفات تعريف الارتباط
التعليقات 0