ولية أمر تزعم تعدي معلمة عليها داخل مدرسة بأسيوط: شتمتني وضربتني أنا وابني
سبت, أكتوبر 11 2025
ولية أمر تزعم تعدي معلمة عليها داخل مدرسة بأسيوط: شتمتني وضربتني أنا وابني
زعمت ولية أمر تعدي مُعلمة عليها بالضرب داخل إحدى المدارس في محافظة أسيوط، إلى جانب تعديها بالضرب أيضًا على نجلها وإحداث بعض الإصابات به.
وقالت ولية الأمر إنها توجهت إلى المدرسة في تمام الساعة الواحدة ونصف ظهرًا لاستلام نجلها وابنتها المقيدة في ذات المدرسة.
وتابعت: روحت المدرسة عشان أستلم مريم بنتي وقولت بالمرة أستلم ابني يوسف، ودخلت للمديرة وقولتلها عايزة أستلم ابني قالتلي لا قولي للأخصائية الأول، وروحتلها بالفعل قالتلي إنها هتطلع مدرس يجيب ابني من فوق وفضلت مستنية أكتر من نص ساعة، وبقيت متوترة وحسيت إن ابني فيه حاجة.
وأضافت ولية الأمر أنها طلبت من الأخصائية أكثر من مرة إحضار نجلها من الفصل ولكن دون استجابة، لذلك فتوجهت بنفسها للبحث عنه خاصة بعدما لاحظت خروج زملائه في الفصل.
واستكملت: كنت بدور على ابني في كل مكان وبنده عليه، وبعدها لقيته واقف مع مدرس ومُدرسة ولاحظت إن عينيه مدمعة، ولما سألته في إيه قالي المُدرسة ضربته على ضهره وضافره اتكسر، وشاورلي عليها ولما روحت أكلمها قالتلي أيوة أنا المُدرسة اللي ضربته وأنتي ست قليلة الأدب إزاي تطلعي هنا تدوري عليه.
وأشارت ولية الأمر إلى أنها أخبرت المُدرسة أنها ستتقدم بشكوى ضدها، ولكنها تفاجأت بتعديها عليها بالضرب أمام أعين الجميع، قائلة: أول ما قولت للمُدرسة إني هشتكيها هجمت عليا وضربتني ولما حاولت أبعدها عني شدت شنطتي مني وخدتها في الفصل وقالتلي أنا هوريكي هعمل فيكي إيه.
وأردفت أنها أبلغت الأجهزة الأمنية التي تواجدت على الفور في المدرسة لفحص الواقعة واتخاذ الإجراءات اللازمة حيال ذلك، مختتمة: تم تحرير محضر وأصريت أروح القسم عشان استكمل الإجراءات والتحقيقات، وطلبت تفريغ الكاميرات عشان أحافظ على حقي.
سيتم تحسين تجربتنا على هذا الموقع من خلال السماح بملفات تعريف الارتباط
![AQMVJ1FKY3_ZYLg[00_01_33][20251011-103947-1].PNG](https://akhrkhabr.com/uploads/post file/3533/AQMVJ1FKY3_ZYLg[00_01_33][20251011-103947-1].PNG){kind=link}
التعليقات 0