شيكابالا عن أزمة المواهب
ثلاثاء, نوفمبر 04 2025
شيكابالا عن أزمة المواهب
تحدث محمود عبد الرازق شيكابالا قائد الزمالك السابق، عن أزمة المواهب في الكرة المصرية خلال السنوات الماضية وأسباب تراجع مستوى اللاعبين في مختلف الأندية.
قال شيكابالا في تصريحات مع الإعلامي معتز الدمرداش: الموهبة في مصر قلت في الفترة الأخيرة، علشان الكرة بقت مقلوبة، اللي أبوه غلبان وفقير مش بيقدر يلعب، بس اللي أهله معاهم فلوس هما اللي ولادهم اللي بيلعبوا.
وتابع: الناس مش بتاخد بالموهبة، لكن بتاخد أنت هتدفع قد إيه؟ ودا مأثر على قطاع الناشئين في الأندية وبالتالي الفرق الكبيرة والمنتخبات المختلفة.
وواصل قائد الزمالك السابق تصريحاته: لو شوفنا فرق الأهلي والزمالك هتلاقي 3 ناشئين بيلعبوا دا لو شاركوا في المباريات، والأمر في الفرق الكبرى الأخرى.
وأردف شيكابالا: الموهبة قلت لإن زمان الأندية كانت بتعمل اختبارات وتنقي مواهب وبتركز في الاختيارات بصورة كبيرة، وتلاقي ناس جاية من الصعيد أو من الريف ويستحقوا يلعبوا في الأندية، بس دلوقتي مش موجودين عشان مش معاهم فلوس.
واختتم شيكابالا تصريحاته: الكرة بقت فلوس حتى في الناشئين، والأندية بقت استثمارية والراجل اللي بيدفع فلوس ابنه بيلعب.
وفي وقت سابق، كشف شيكابالا كواليس اعتزاله الكرة، قائلًا: شعرت إن ده الوقت المناسب، وكان قرار صعب وفكرت فيه كويس أوي، وبضحك على الناس اللي بتقول إن شيكا اعتزل غصب عنه، ومحدش يقدر في نادي الزمالك يقولي اعتزل مع احترامي لأي حد.
وأضاف لاعب الزمالك السابق: عقدي كان مستمرا لموسم آخر ولكن قررت الاعتزال، وكنت عارف إن أي إخفاق في الفريق هيقولوا إن شيكا السبب.
واختتم شيكابالا تصريحاته قائلا: آخر ضربة جزاء ليا أمام بيراميدز كانت رقم 10 وأنا بلبس رقم 10، وحسيت إنها إشارة من ربنا باعتزال كرة القدم.
سيتم تحسين تجربتنا على هذا الموقع من خلال السماح بملفات تعريف الارتباط
التعليقات 0