شوفت قلة أصل من القريب والغريب.. سيدة الإسكندرية تروي معاناتها في منشور سابق
أحد, أبريل 12 2026
شوفت قلة أصل من القريب والغريب.. سيدة الإسكندرية تروي معاناتها في منشور سابق
في وسط حالة الجدل المصحوبة بالحزن التي عمت صفحات مواقع التواصل عقب إعلان سيدة من منطقة سموحة بالإسكندرية إنهاء حياتها، كشف منشور سابق لها على فيس بوك جانبا من معاناتها.
وقالت سيدة الإسكندرية في المنشور: أنا شوفت قلة أصل وقسوة وافترا وأكل حقوق من قريب وغريب.. ده أنا عشت أيام وسنين وقصص محدش يعرفها غير ربنا.. أنا وقفت بعد موت أبويا!! ودي بعدها مفيش حاجة ممكن تكسر، دخلت مستشفيات ومحاكم وقعدت ف قعدات عرفية بطولي وسط 70 راجل.
وأضافت في منشورها: اشتغلت وسافرت وروحت وجيت وعافرت، حرمت نفسي سنين من حتى خروجة حلوة مع صحابي عشان كنت بدفع حضانات وإيجارات ودراسة ليا وكورسات وعمر ما حد عرف حتى أقرب الناس.. اشتغلت بإيد وربيت بنتين بإيد تانية وحليت مشاكل بإيد وصديت أعداء بإيد.
واستكملت: بيتي اتحرق كله قدام عيني بكل حاجة فيه قلت قدر الله وما شاء فعل ومشيت ورجعت أحسن من الأول بفضل الله، تعبت ودخلت مستشفيات وجالي وعكات صحية محدش يعرف عنها حاجة أبدا وقمت.. خسرت عزيز وغالي ودهب وفلوس وناس وحب ووقعت 100 مرة وقمت أقوى من كل مرة وقعت فيها.
واختتمت كلماتها: عموما أنا هفضل فخورة جدا بنفسي مهما حصل وقصتي هفضل أحكيها وأنتوا تبقو احكوا عني لولادي.
سيتم تحسين تجربتنا على هذا الموقع من خلال السماح بملفات تعريف الارتباط
.jpg)
التعليقات 0