-أقوال-علياء-قمرون-أمام-جهات-التحقيق
سبت, سبتمبر 20 2025
-أقوال-علياء-قمرون-أمام-جهات-التحقيق
كشفت التحقيقات في قضية اتهام التيك توكر علياء قمرون، بنشر محتوى خادش للحياء على مواقع التواصل الاجتماعي، تفاصيل نشأتها الاجتماعية، وسبب إقدامها على تقديم محتوى على مواقع التواصل الاجتماعي، والأرباح التي حققتها من الفيديوهات المنشورة على صفحاتها الشخصية.
ويستكمل انشر التحقيقات في قضية علياء قمرون، وبسؤالها منذ متى بدأت في بث ذلك المحتوى؟
ج: من أول ما عملت الحسابين بتوعي في مارس 2025 حتى الآن.
س: وهل ذلك المحتوى بكافة صوره ما زال محفوظأ ومسجلا على حسابيك آنفي البيان؟
ج: الفيديوهات اللي أنا كنت رفعاها على حساباتي ما زالت موجودة لكن اللايفات والجولات مش بتتحفظ إلا لو صاحب الحساب عملها حفظ وأنا مكنتش بحفظها على حسابي لكن هي كانت بتتحفظ مده معينة وبعدين بتتمسح من نفسها لما بيعدي عليها وقت.
س: وما هو مضمون المحتوى الذي قدمتيه من خلال تلك الفيديوهات أو البث المباشر أو الجولات؟
ج: عبارة عن إن أنا كنت بتفاعل مع الناس وبهزر وساعات أقرا كتاب أو أتكلم عربي أو انجليزي وبتكلم عن الأب والأم اللي مش بيعاملوا عيالهم كويس وبقدم نصائح للناس في الموضوع ده وساعات بغني أغاني دينية زي قمر سيدنا النبي ودي أصلا سبب شهرتي وهي اللي اتسميت بمناسبتها علياء قمرون، والجولات اللي كنت بدخلها كنت بقعد أشجع المتابعين وأحمسهم إنهم يكبسوا ويشيروا اللايف اللي أنا بعملها عشان يتنشر على النت عشان أبقى مشهورة عشان يجيلي فلوس ودعم.
س: ما هي ظروف وملابسات وسبب دخولك لمنصة التيكتوك وشهرتك وذياع صيتك على تلك المنصة؟
ج: اللي حصل إن أنا تقريبًا شهر مارس أو إبريل 2025 واحدة صاحبتي اسمها حسناء ليها حساب على التيك توك وعندها 100000 متابع، صورت فيديو معايا من الموبايل بتاعها بتقول فيه أنا وعلياء أخوات واللي اتقال إشاعات فأنا رديت عليها في الفيديو وقولت بقولك إيه يا حسناء تليفون ريل مي سي 70 بس جودته مش حلوة في الفيديوهات قالتلي مشي الدنيا عادي، قلتلها قمر، وغنيت أغنية قمر سيدنا النبي قمر، وعشان كدا فجأة اتشهرت والفيديو بقى تريند واتشهرت باسم علياء قمرون والفيديو ده حسناء هي اللي نشرته من الحساب بتاعها على التيك توك.
سيتم تحسين تجربتنا على هذا الموقع من خلال السماح بملفات تعريف الارتباط
التعليقات 0